Gaaltije - modtovre saemien turismeevtiedimmesne

Naa stoerre syjhtede lea daenbien ahte saemieh edtjieh dåeriedidh turismeevtidimmine. Dellie sjædta hijvenlaaketje jïh attraktijve gööleme-, eko-, kultuvre- jïh eatnemetuvrisme.

Sïjti sisnie lea byjrese mah almetjidie guvhkiehtieh. Dah leah resursh. Dah leah aaj vïjremelaanth jïh johkh jïh jaevrieh göölemasse. Jis saemieh daejtie vielie nuhtjieh dellie dïhte lea maadteginie man nïlle gåarede vielie eko- jïh kultuvreturismem bigkedh. Ij leah barre dam ahte vïjreme jïh gööleme jïjtje lea ekonomije intressante aath, ektiedimmie saemien eatneme- jïh kultuvrebyjreskinie dïhte nuepiem vadta jienebedajven sjïere laakan nïlle bigkedh jïh orre darjomes-sijjieh tseegkedh, mej lea åejvemes eatneme- jïh byjreskedååjrehtsh.

Barkoe mij Gaaltije åvtelen lea dorjeme lea eabnoem biegkeme mestie ekties vaaroemïerhke man lea saemien tuvrisme Jïemhtesne jïh Hærjedaelesne/Eajresne. Dan lea ulmie gaajhke saemien tuvrismem maarhnahtidh akten vaaroemïerhken baaktoe. Men aalkoeboelhkesne dellie lea daerpies jïjnje resursh utnedh, akte stoerre dejstie lea "modtovre" mij faamojne lea jïh evtiedimmiem juhtehte.

Prosjekten maadthåssjalommes lea ahte Gaaltije edtja modtovrem årrodh dan evtiedmmesne mij edtja gemtebe saemien jieliemassem darjodh jïh voestemes aelkedh tuvrismesne. Daebpene mijjieh Gaaltijem vuejnebe goh pruvvie siebredahken, stoerre tuvrismen jïh saemien tuvrismen gaskoeh. 

 Prosjekten åejvemes ulmieh leah:

• Bigkedh saemien profijlem tuvrisme- jïh dååjrehtimmiejieliemassen gaskoeh mij edtja evtiedæmman vadtedh saemien tuvrismedarjomen.
• Gaaltijem evtiedidh goh modtovre jïh maadtehke saemien tuvrismejieliemassese.

Prosjekten ulmie

Darjomeulmieh

Lavenjosteme, jeatjah voelph jïh prosjekth

Darjomh